Engelberg

Was macht das "i" det?

Ja was macht etz das "i" im Wort Tandemfluig? Sett de das nid öppe eifach nur Tandemflug heisse? Tandemfluig isch Mundart, gnauer gseid Engelberger Dialekt. De Dialekt wird so nur in Engelberg gredd und unterscheided sich sehr starch vom eigentliche "Obwaldnerdyytsch". Schliesslich ghört Obwalde au ersch sid öppe em 200 Jahr zu Engelberg (und de jaa nid umgekehrt) und de Dialäkt isch ja scho sicher vorher da gsey. De uffallend langsam greddi Mundartdialäkt, ghört zu de melodiösischtä im Alemannischä. 

Unterschied zum Hochdeutsch und zum Obwaldnerdyytsch:

Hochdeutsch:                     Du                  fliegen           

 

Obwaldnär sägid:               Dui                 flyyge​

 

Ängelbäärger sägid:           Dööi               fluige

Somit isch das "i" im Titel vo dere Webseyte kei Schreybfähler sondern eifach nur Mundart. 

 

Wie heisst etz dä Bärg?

Wer uf altä Landchartä gahd go luege, gsehd bi eim vo denä zwei Gipfel mitzt im Taalchessel vo Ängelbäärg de namä "Engelberg". Aber wart etz e mal... Heisst denn nid s Dorf ä so? Und heisst dä Bärg nid Hahnä? Äigentlich scho, aber wenn mäs gnäu nimmt hed s Dorf de Namä vom Bärg und nid andärsch umä. Im Jahr 1120 hend nämlich d Ängel vom Ängelbäärg abegrüeft, dass me det unne ufem Taalbodä söll es Chloschter baue. So hed dä Bärg wo imposant zmitzt im Tal stahd siine Namä ubercho. S Chloschter und spöter au s Dorf drum umä hed also de Namä vom Bärg becho und erscht irgendwenn spöter isch de Bärg umtauft wordä uf Hahnä. Wobii so gnau weiss das ja e käine...

© 2017 by Christof de Nève, 6383 Dallenwil, Phone: +4176 430 90 55